İslam bütün ideologiyaların fövqündədir!
İstənilən bir şeydə məqsəd ancaq o vaxt ali və müqəddəs olur ki, insan ona yox, əksinə o, insana xidmət edir. Haqq-Təalanın yolundan savayı bütün digər ideologiyalar, düşüncə sistemləri və məsləklər insanı mücərrəd məqsədlərin əldə olunmasında sadəcə bir vasitə, qurban və fədai olaraq görür. İnsan özünü onların uğrunda fəda etdikcə qazanan həmin ideologiyalar, məfhumlar olur, zərər görən və tükənən tərəf isə yenə də insandır. İslam məhz buna görə bütün digər düşüncə sistemlərinin fövqündədir ki, burada insan vasitə deyil, əsl məqsədin və qayənin özüdür. Bu məqamda insanı vasitəyə çevirən, onu öz həqiqi mahiyyətindən uzaqlaşdıran hər hansı bir ideologiya batil və puçdur. İslam, heç şübhəsiz ki, insandan fədakarlıq tələb edir, lakin burada edilən fədakarlıq insanın zatını kiçiltmir, onu həqiqətlərin müqabilində dəyərsizləşdirmir, əksinə onun öz varlığı və mənəviyyatı üçün ən ülvi qazancları əldə eləməsinə səbəb olur. İnsan Allah yolunda etdiyi fədakarlıqla ancaq və ancaq özünə xidmət edi...